महाराष्ट्रात ८ नवीन वैद्यकीय महाविद्यालयांना मान्यता, सरकारच्या पाठपुराव्यामुळे यश

राज्य सरकारच्या सततच्या पाठपुराव्यामुळे महाराष्ट्रातील ८ नवीन वैद्यकीय महाविद्यालयांना अखेर मान्यता मिळाली आहे. या महाविद्यालयांच्या स्थापनेसाठी राज्याच्या वैद्यकीय शिक्षण मंत्री हसन मुश्रिफ यांच्या कार्यकाळात मोठा पुढाकार घेण्यात आला. या नवीन महाविद्यालयांमुळे ८०० विद्यार्थ्यांना MBBS अभ्यासक्रमासाठी प्रवेशाची संधी मिळणार आहे.

या महाविद्यालयांची स्थापना मुंबई, नाशिक, गडचिरोली, अमरावती, वाशीम, जालना, बुलढाणा, अंबरनाथ, भंडारा आणि हिंगोली या ठिकाणी करण्यात येणार आहे. हसन मुश्रिफ यांच्या मंत्रीपदाच्या काळात या १० सरकारी वैद्यकीय महाविद्यालयांना मंजुरी मिळाल्यामुळे राज्यातील आरोग्य सेवा अधिक सक्षम होण्याची शक्यता आहे.

राज्य सरकारची धोरणं प्रत्येक जिल्ह्यात वैद्यकीय महाविद्यालय स्थापन करण्याची आहे, ज्यामुळे प्रत्येक जिल्ह्यातील विद्यार्थ्यांना वैद्यकीय शिक्षणाची सुवर्णसंधी उपलब्ध होईल. सध्या राज्यात एकूण ३५ सरकारी वैद्यकीय महाविद्यालयं असून, दरवर्षी ४८५० विद्यार्थ्यांना सरकारी महाविद्यालयांतून प्रवेश मिळणार आहे.

ही महत्त्वपूर्ण पाऊल राज्यातील आरोग्य सेवांमध्ये मोठे बदल घडवणार आहे आणि ग्रामीण व दुर्गम भागातील विद्यार्थ्यांना डॉक्टर होण्याचे स्वप्न साकार करण्यासाठी मदत होणार आहे.